भारतले नेपाललाई कोरोनाविरुद्धको १० लाख डोज खोप अनुदानमा दिने, खोप भोलि नै आइपुग्ने

७ माघ २०७७, बुधबार १६:४२

काठमाडौं । छिमेकी राष्ट्रहरुलाई कोरोना भाइरस विरुद्धको खोप अनुदान दिने घोषणा गरेको भारतले नेपाललाई १० लाख डोज कोरोना संक्रमण विरुद्धको खोप उपलब्ध गराउने भएको छ।

आज स्वास्थ्य तथा जनसंख्या मन्त्रालयमा पत्रकार सम्मेलन गर्दै स्वास्थ्य तथा जनसंख्या मन्त्री हृदयेश त्रिपाठी र नेपालका लागि भारतीय राजदूत विनयमोहन क्वात्राले खोप उपलब्ध गराउने जानकारी दिएका छन् ।

भारतले अनुदानकारुपमा उपलब्ध गराउने खोप भोलि नेपाल आउने पत्रकार सम्मेलनमा जानकारी दिइयो।

भारतले कोभिसिल्ड नामक खोप नेपाललाई अनुदानमा उपलब्ध गराउन लागेको हो। भारत सरकारले नेपाल सहित बंगलादेश, भूटान, श्रीलंका, अफगानिस्तानलाई कोरोना विरुद्धको खोप अनुदान दिने घोषणा गरेको छ ।

Leave a Reply

This site uses Akismet to reduce spam. Learn how your comment data is processed.